ۆەدومستۆوارالىق كوميسسيانىڭ 2020 جىلعى 11 تامىزداعى شەشىمىنە سايكەس 17 تامىزدان باستاپ قازاقستان اپتاسىنا 23 رەيس جيىلىگىمەن 6 باعىت بويىنشا 4 ەلگە حالىقارالىق اۋە قاتىناسىن كەزەڭ-كەزەڭىمەن قالپىنا كەلتىردى:
-ء باا (11 رەيس) 2020 جىلدىڭ 17 تامىزىنان باستاپ الماتى – دۋباي (6 رەيس) جانە نۇر-سۇلتان – دۋباي (5 رەيس) باعىتتارى بويىنشا;
- گەرمانيا (5 رەيس) اعىمداعى جىلدىڭ 18 تامىزىنان نۇر-سۇلتان – فرانكفۋرت (5 رەيس);
- بەلارۋس (4 رەيس) 2020 جىلدىڭ 19 تامىزىنان الماتى – مينسك (2 رەيس) جانە نۇر-سۇلتان – مينسك (2 رەيس) باعىتتارى بويىنشا;
- ۋكراينا (3 رەيس) 2020 جىلدىڭ 19 تامىزىنان الماتى – كيەۆ (3 رەيس).
ەگيپەتكە رەيستەردى 2020 جىلدىڭ 12 قىركۇيەگىنەن باستاپ الماتى – شارم-ەل-شەيح باعىتى بويىنشا قايتا جالعاسادى دەپ جوسپارلانۋدا.
2020 جىلدىڭ 27 تامىزىنان باستاپ قازاقستان مەن تۇركيا اراسىنداعى تۇراقتى جولاۋشىلار رەيستەرىنە شەكتەۋلەر الىنادى. ۇشۋلار كولىكتەگى باس سانيتارلىق دارىگەردىڭ قاۋلىسىنا سايكەس سانيتارلىق قاۋىپسىزدىكتىڭ جوعارى شارالارى جاعدايىندا ورىندالادى. ەلىمىزدىڭ بارلىق اۋەجايىندا دەزينفەكتسيالاۋ جۇمىستارىن جۇرگىزۋ بويىنشا ءىس-شارالار كۇشەيتىلدى. قولدى سانيتارلىق تازارتۋ قوندىرعىلارى ورناتىلىپ, كارانتين شارالارى قاتاڭ ساقتالۋدا (بەتپەردەلەر مەن قولعاپتاردى مىندەتتى تۇردە كيۋ). عيماراتقا كىرە بەرىستە جولاۋشىلار مەن اۋەجاي قىزمەتكەرلەرىنىڭ بايلانىسسىز تەرمومەترياسى جۇرگىزىلەدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
